પ્રેમમાં પુરાવાની માંગ

પુરાવામાં તર્કનો ઉપયોગ

તર્ક બુધ્ધિનું ઉત્પાદન

પ્રેમ થયો હ્રદયથી ઉત્પન્ન

શંકા સંદેહ્ ને નહી સ્થાન

ભાગે તર્ક બુધ્ધિ થઇ હ્રુદયે આધીન

     જીંદગી                                        

જીંદગી છે સરસ

છીપતી નથી તરસ

બન્નેમાં છુપાયેલ રસ

છ્તા બની જાય નિરસ 

  સ્વીકાર 

ભાગે દુર ન ગમતાથી

અણગમતુ પીછો કરી પકડે

નગમતાનો કર્યો સ્વીકાર

ગમતુ શૉધવુ ન પડે

         સ્મરણ

બુદ્ધિ ન કરી શકે સ્મરણ

બુદ્ધિ કરે વાદ વિવાદ ખંડન

સહજ ભાવે ભાવના ઉતપન્ન

નિરંતર રહે મનમાં સ્મરણ

            સામર્થ્ય

સમર્થ કરે સામર્થ્યનો ઉપયોગ

કરે સમર્થ અસામર્થ્યને મદદ

વધારે આબાદી બરબાદીનું કારણ

આબાદી વહેંચો કરો સમર્પણ

જો માનવમાં આવે સમજણ

ધરતી પર ઉતરે સુખ સ્વર્ગ

             ક્યાં છે

ક્યાં છે ક્યાં છે બતાવ

કૂતુહલ બાળપણનું પૂછે

સંદેહ યુવાનીનો પૂછે

મુમુક્ષત્તવ પ્રોઢતાએ જાગે 

ભેટ્યા ગુરુ મુમુક્ષુ પૂછે

ચિંધ્યો માર્ગ અનુસર્યો માર્ગે

માતા પિતા ગુરુમાં જીવંત ભ્ગવાન

આજે પ્રેમ કેવો

સ્વાર્થનો સગો

સ્વાર્થી પ્રેમમા પડ્યા

સ્વાર્થ સાધે તે પ્રેમ કેવો?

પ્રેમની પરિભાષા શોધુ                                            ૧

પ્રેમમા આવે ભરતી

તો કદિ આવે ઓટ

માત્રા વધતી ઘટતી

અરે પ્રેમના હોઇ માપ તોલ?

પ્રેમની પરિભાષા શોધુ                                                                ૨

ચાહુ ગુણ કીર્તિ પદ ધન

લોલુપતા પડાવવાની એક દિન

ટક્યા નહિ ગુણ પદ કીર્તિ ધન

પ્રેમ ક્ષણમા થયો વિલીન!!!

પ્રેમની પરિભાષા શોધુ                                                    ૩

        પ્રેમ

સૌ ચેતન હૈયે એક સરખો

નિરંતર પશુ પક્ષી માનવમા વહેતો

ઉસ્તુક્તાથી સહજ ભાવે પ્રગટતો

અશ્રુ ધારામા વહેતો

પ્રેમ સભર હાસ્ય શક્તિથી લુછાતો

પ્રાપ્ત થાય પ્રેમની પરિભાષા.                                                             ૪

શરીર રૂપી રથ લઇ નીકળી

દસ ઘોડાઓ સુશોભિત શણગારી

નેત્રો પર પચરંગી ડાબલા ભારી

મન બુધ્ધિ ના પાડ્યા કરે

ન જોવાનુ જોયા કરે

રથ દોરાય આડે અવળે

કાન કદિક શાણા થઇ સાંભળે

વાસના પડળ મન પર પડેલ

સાંભળ્યુ ન સાંભળ્યુ કરે

બુધ્ધિ વિચાર કર્યા કરે

રથ ચાલે ના સિધે રસ્તે

અથડાતો ઘવાતો ફેરા ફર્યા કરે

મુક્ત ન થાય, આધિન વાસનાને

કૃપા વરસી જ્યારે ઉદાર હસ્તે

અંતઃકરણ વિચાર કરે વિવેકે

રથ દોરાયો સત્ સંગ સત્કર્મે

પડળો વાસનાના ખર્યા ત્યારે

રથ યાત્રા પુરી કરી શુભ દિને 

માનવ મર્યાદામાં ના રહે

અધર્મ હિંસા અત્યાચાર આચરે

પૃથિવી બિચારી ધૃજે પાપાચારે

ભગવાન વિષ્ણુ શેષ શય્યા પરથી જાગે

પ્રલય કાળ મનવંતરનો અંત લાવે                                 ૧

સપ્તૠષિઓ આવ્યા દ્વારે અંતિમ દર્શને

વિષ્ણુ ભગવાન પ્રસન્ન વદને

વેદોના રક્ષણ કાજે આશીર્વચન અર્પે

સપ્તૠષિઓ વિદાય લે નત મસ્તકે                                  ૨

સ્વાર્થી ઇન્દ્ર,દેવતાઓ યાચના સ્વરક્ષણની કરે

અધર્મ આવી વિલાસી ઇન્દ્રને પાપાચાર યાદ કરાવે

સાક્ષી પ્રભુ બે પાપીઓના વાદ વિવાદ જોયા કરે

અંતે સમજાવ્યા પ્રલય કાળે સર્વ નાશ થઇ રહે                            ૩

દેવર્ષિ નારદ ચિંતીત મને આવી પ્રશ્ન કરે

પ્રભુ દૈત્ય દાનવો પાસેથી વેદોની કોણ રક્ષા કરે?

પ્રભુ દેવર્ષિ નારદની શંકાનુ સમાધાન કરે

યુગે યુગે ભિન્ન અવતાર ધારણ કરી

આવીશ સત્ય ધર્મના ઉત્થાન અર્થે                                        ૪

આજે જન્માષ્ટમીની સુ પ્રભાતે

વિચારુ ઠેર ઠેર આંતકવાદીઓ કાં જન્મે!

દૈત્ય દાનવો કરતા પણ વિકરાળ ભાસે

કંઇક નિર્દોષી સત કર્મીઓના પ્રાણ હરે                       ૫

તું શું હજુ શેષ શય્યાપરથી નહિ જાગે!!

તે ગીતામાં કહ્યુ

ધર્મ સંસ્થાપનાર્થાય સંભવામિ યુગે યુગે

આજ પાર્થુ હું, શેષ શય્યા તુ છોડે

અવતરે કળિયુગના વાસુદેવ દેવકી ગૃહે                              ૬