ફાગણ આવ્યો વસંતના એલાન થયા

               હોળી આવી વસંતની વધાઇ લાવી

અબિલ ગુલાલ ઉડ્યા કેશુડાના રંગે રંગાયા

                 વસંત આવી વસંત આવી                                     

બાળકો શાળા પ્રાંગણમાં ખેલે કુદે

નાચે ગાય ઝુમે વસંત વધાવે

             વસંત આવી વસંત આવી 

આદિત્ય નારાયણ કૃપા કરી પ્રકાશે

ઠુંઠા વૃક્ષો હર્ષે ડોલે વસંત વધાવે

                વસંત આવી વસંત આવી

ઘોસણા કેલેન્ડરના પાને કરી

ઓફીસિયલ સ્પ્રીંગ શરુ થઇ

                 વસંત આવી વસંત આવી   

આ શું!ફીલાડેલફિયામાં હું જોઇ રહી!

હિમ વર્ષા જાણે હેમંત આવી ફરી

કે વધાવે વસંતને અબિલ છાંટણે

               વસંત ક્યાં તું ગઇ છુપાઇ?  

કુંપળો વૃક્ષો પર જોઇ હર્ષાઇ

વસંતના એંધાણ નિહાળી

             વસંત આવી વસંત આવી                                    

કલરવ પક્ષીઓના સંભળાય

તણખલા ચાંચે વિણાતા દેખાય

             વસંત આવી વસંત આવી

બતકોની હાર મહાલે માર્ગે

ટ્રાફિક ક્ષણિક સ્થગિત કરે

          વસંત આવી વસંત આવી   

હું શોધ કરુ છુપાયેલ મુજને

ક્યાં છે ક્યાં છે શોધીસ ક્યારે

રોમ રોમ ગુંજન કરી પુકારે

          શોધ કર શોધ કર ક્યાં છે                                        ૧

સુમતિની કોદાળી લઇ કરે

વિશ્વાસના હાથા વડે

સમર્પણ સમજણ નેત્રો સાથે

ખળ ખળ વહેતા જળના પ્રવાહે

        શોધ કર, શોધ કર ક્યાં છે                                          ૨

ભટકેલ ભમતી રખડતી ભવનમાં

ભારે દબાતી અથડાતી વમળમાં

શોધ કરી જંપીશ નહીં છોડુ આશા

જંપલાવીશ ડુબુ ભલે ઉંડાણમાં

       શોધ કર, શોધ કર ક્યાં છે                                              ૩

પ્રકાશિત થાય વિજળીના જબકારે

ગીતો અંતરના તારે ગુંજી  ઉઠે

હું કોણ નાચુ ગાઉં મળ્યુ મને

ઓળખુ આજ મુજમા  તુજને

        શૉધ કર શોધ કર મળશે                               ૪

કાળજાનો કટકો વિદાય લે આજે

મા બાપના શ્વાસોશ્વાસ સમ દિકરી

છોડી સુવાસ લે વિદાય લાડલી

જેના નેત્રો થયા નથી કદી ભીના

ચોધાર આંસુઓ જોયા પપ્પાના

દિકરી અશ્રુઓ લુછે પિતાના

આપે આશ્વાસન માતાપિતાને

હું નથી જોજન દુર સાસરે

હું છું ફક્ત ફોન કોલ અવે

મા તું ધ્યાન રાખજે પપ્પાનું

કદી ન કહીશ સિગારેટ ચા છોડવાનું

ટૅનસન ના વધારતી પપ્પાનું

મા તે આપી શિખામણ મને

પાલન કરીશ સ્વસુર ગૃહે

આનંદ પામીશ તું મુજ વર્તને

માતા પિતાના બાહુમાં દિકરી આજે

ભીંજાય ગંગા જમના અશ્રૃ ધારે

ધૈર્ય વચન પરસ્પરને આપે

પિતાએ ધુમ્ર્પાનને આપી વિદાય

એસ ટ્રે ગઇ ટ્રેસકેનમાં ફેંકાય

માના મૌન અશ્રૃ પિતાને સમજાય  

ખાવો પીવો જીવો નથી ધ્યેય

માનવ દેહ બુધ્ધિમાન અમૂલ્ય

                       સક્રિય બનો સક્રિય બનો

પલાયનવાદી સજ્જન  બન્યા

દુર્જનોના માર્ગ મોકળા થયા

                            સક્રિય બનો સક્રિય બનો

ભાગો નહિ પણ જાગો

સજ્જનતાની સુવાસ ફેલાવો

                         સક્રિય બનો સક્રિય બનો

વિનાશ નિષ્ક્રિયતા શ્રેષ્ઠતાનો કરશે

સક્રિયતા સુતેલ અસ્મિતા જગાડશે

                              સક્રિય બનો સક્રિય બનો

યા હોમ કરીને ઉઠો જાગો

કદમ બઢાવો સફળ થાશો

                           સક્રિય બનો સક્રિય બનો

જીવન યથાર્થ જીવી જાણૉ

સમાજના માર્ગ દર્શક બનો

                                સક્રિય બનો સક્રિય બનો

અસમર્થ સુખ શય્યાની ગોદમાં

જીંદગી નિરર્થક બની જશે

ફૂલોની શય્યા ન હશે

કાંટાળી શય્યા સહન થશે

રક્ત કણો તુજ સંગમાં

ગુલાબ શય્યા બની જશે

દુઃખ દર્દની સમર્થ શય્યામાં

જીંદગી અર્થાનુસરી બનશે

મનુષ્ય પરાધીન પરિસ્થિતિએ

જય વિજયે પ્રસન્ન થયો

પરિસ્થિતિ બદલાય પરાજય મળ્યો

પરવશ પામરની પ્રસન્નતા હણાય                                ૧

કુદરત પ્રભાવે પરવશ માનવ

પ્રસન્ન થાય વસંત વર્ષા આગમને

ગ્રીષ્મ ઋતુના બળબળતા મધ્યાને

પરવશ પામરની પ્રસન્નતા હણાય                             ૨

વ્યક્તિ વ્યક્તિત્વના પ્રભાવે પરવશ

પડે વાક્ચાતુર્યના પ્રભાવમાં

પ્રભાવિત બાહ્ય અહમ આડંબરમાં

પરવશ પામરની પ્રસન્નતા હણાય                             ૩

રહીશ નિજ સ્વભાવમાં સ્થિર

આવકારિશ પ્રભાવને આપી આદર

સુખ દુઃખને સમાન આવકાર

પ્રસન્નતા નિરંતર પરવશતા હણાય                                ૪

અહિંસક બન્યો હથિયાર તજ્યા 

ધૃણા ક્રોધ દ્વેષ ઘમંડ મનમાં રહ્યા

ઓર્ડર થયો પોલીસે ગોળીબાર કર્યો

લઇ પણ અહિંસાનું અહિંસકે જાન ગુમાવ્યો

ઉપરી કે પોલીસ કોણ હિંસક ઠર્યો

ખુદ અહિંસક મનના મેલે હિંસક ગણાયો!

હિંસા અહિંસાનો નાજુક ભેદ ના કળાયો!………………………………૧

સારથી બની ઉપદેશ અર્જુનને કૃષ્ણે આપ્યો

હિંસા સગા વહાલા કોઇની નથી તું કરતો

છોડી કર્તૃત્તવ ભોકતુત્ત્વ ભાવ ,ધર્મ અનુસર તારો

ધૃણા અહંકાર છોડી,નિસ્પૃહ સ્થિતપ્રજ્ઞ યોગી બન્યો

અર્જુન લડ્યો મહાભારત યુધ્ધ વિજયી બન્યો

ધર્મ રક્ષણ કાજે વિનાશ જરુરી અધર્મીયોનો

હિંસા અહિંસાનો ભેદ ગીતા ઉપદેશે ઉકેલ્યો ……………………………૨

ઉતારે સુ પ્રભાતે સૂર્યના ઓજસ થકી

સંધ્યાએ ઉતારે ચન્દ્ર્નો પ્રકાશ અર્પી

પ્રભુ ઉતારે નિયમિત આરતી વિશ્વની

જડ ચેતન સર્વને પ્રકાશિત કરી                                              ૧

દિલના દીવડા ભરી ઓજસ આરતી

ઉતારે માનવ દુઃખી દરિદ્ર નારાયણની

મંદિરે પાષાણ મૂર્તિ સજીવન બની

ઘંટારવ નાદ પુરોહિતના છોડી                                      ૨

માનવ હ્રુદયે વિભુ પ્રસન્ન બની

પ્રવેશી શ્રદ્ધા સંતોષનું તેલ પૂરી

આશિષ અર્પી સદા ઉતાર આરતી

દુ;ખી દરિદ્ર નારાયણ અલતાર તણી                                       ૩

સત્યાગ્રહ સાધન એક અમોઘ

તોપ બંદુકનો ડર ન કોઇ

આત્મબળ પગદંડીને સહારે

સ્વરાજ પ્રાપ્તિ બસ એક સાધને                                            ૧

કર્યું સાધ્ય સિદ્ધ બાપુએ

પ્રોઢ અવસ્થાએ સ્વરાજ આજે

ભારત બુદ્ધિ નાઠી સાઠે

સનાતન ધર્મ નીતિના ભોગે                                                 ૨

કરી પ્રગતિ અધિક વિજ્ઞાને

વધ્યા ઉદ્યોગો સિદ્ધાંતોના મૂલ્યે

ભ્ર્ષ્ટાચાર ખુશામતના જય જયકારે

પાંખંડી ઘમંડી ઠેર ઠેર પૂજાય                                                               ૩

નિજ શાસન સ્વરાજ આત્મઘાતક અસહ્ય

બાપુ સરદાર જોઇ જોઇ મુંઝાય

મા ભારતીની અસ્મિતા ઘવાય

ભૂલ્યા ભારતીય સત્ય સાધન અમોઘ                                          ૪

બની કુમતિની સંગી વાણી

મંથરા  દાસીની જીભે ચડી

કાચા કાનની કૈકેયી ભરમાઈ

કુમતિ  દાસીનો સંગ કરી

બની કુમતિની સંગી વાણી                                       ૧

મંથરા કુબડી યુક્તિ ક્રરી

કરાવી યાદ બે વરની

વર્ષો પુરાણી વાત ઉખેડી

બની કુમતિની સંગી વાણી                                         ૨

પધાર્યા નૃપ માનિતીને મહેલે

માનીતિ રિસાઇ મુખ મરોડે

શૄંગાર ફેંકી ભુમી ગ્રસ્ત ક્રોધે 

બની કુમતિની સંગી વાણી                                             ૩

નૃપ યત્નો મનાવા કરે

માનિતી વચનો યાદ કરાવે

નૃપ યત્નો વ્યર્થ ઠરે

બની કુમતિની સંગી વાણી                                                  ૪

હઠાગ્રહી માનિતી ના સમજે

નૃપ રઘુકુલ રિતી અનુસરે

પુર્ણ વચને પ્રાણ ત્યાગે

બની કુમતિની સંગી વાણી                                                 ૫

વાણી  શું નું શું શકે કરી

બુધ્ધિમાન કૈકેયીના હ્રદયે વસી

વિપત્તિના વાદળો લાવી

અયોધ્યા નગરી ધ્રુસકે ચડી

મા સરસ્વતી દ્રવી ઉઠી

બની કુમતિની સંગી વાણી                                                          ૬

શિયાળાની શુષ્ક સવાર  પડી

આદિત્ય નારાયણે  આળસ મરડી

સપ્તરંગી ઘોડાની સજી સવારી

ધુંધળા આભ અટપટા મહીં

માર્ગે વાદળો રૂપેરી મઢી

રસ્તો ધપાવી ઓજસે ભરી

રૂપેરી ઓજસથી ભરી ઓશરી

ઉલેચી અંધકાર દૂર ફગાવી

આદિત્યના શુદ્ધ રજત ઓજસ થકી

ઓરડા મનના પ્રફુલ્લિત પ્રકાશે ભરી

શિયાળાની શુષ્ક સવાર પડી

 

ૐ કાર અ  ઉ  મ

ૐ કાર તન મન બ્રહ્મ

ૐ કાર સ્થિતિ ત્રણ

જાગૃત સ્વપ્ન સુષુપ્ત…………..મન ધ્યાન ધર ૐ કાર

ૐ કાર દેવાધિદેવ

ૐ કાર શિવ મહાદેવ

ૐ કાર નિત્ય અનંત

ૐ કાર સત્ ચિત આનંદ…………મન ધ્યાન ધર ૐ કાર

ૐ કાર ધ્વનિ માર્ગમાં

ૐ કાર નાદ ગગનમાં

ૐ કાર ત્રણે ભુવનમાં

ૐ કાર બ્રહ્મનાદ જીવનમાં………..મન ધ્યાન ધર ૐ કાર

ૐ કાર અતિ પાવન

ૐ કાર મન ભાવન

ૐ કાર નિત્ય સુમિરન

ૐ કાર ધ્યાન પરમ…………..મન ધ્યાન ધર ૐ કાર

 જો પાંચ H ૧)Health. 2) Happiness .3) Humanity 4) Honesty .5) Harmony. ને જીવનમાં યાદ રાખીશું સમજશું અને તે પ્રમાણે જીવન જીવીશું તો સુખ શાંતિ ભર્યુ લાંબુ આયુષ્ય ભોગવીશું

 હેલ્થથી શરુઆત કરીએ,કહેવાય છે ને ‘પહેલુ સુખ તે જાતે નર્યા.’એટલે સુખ માટે તંદુરસ્ત રહેવું જરુરી છે, તે માટે જીવનમાં નિયમિતતા

કેળવવી પડશૅ રોજ સવારે વહેલા ઉઠવાનું,રાતભર ત્રાંબાના પાત્રમાં રાખેલ પાણી જેટલુ પી શકાય તેટલુ પીવાનું.આ્મ કરવાથી કબજીયાત

નહી થાય. અને સાંધા પણ સારા રહેશે.ત્યારબાદ સૂર્ય નમસ્કાર (sun salutation) બે થી ચાર વખત કરવા ત્યાર બાદ નિત્ય ક્ર્મ પતાવી ચા નાસ્તો

કરી ૧ થી દોઢ માઇલ ચાલવુ.ધ્યાનમાં રહે  નિયમિતતા ખાસ જરુરી છે.બીજુ ખાસ ધ્યાનમાં રાખવાનું  છે.

જ્યારે આપણૅ ૫૦ની ઉંમરે પહોંચીએ ત્યારે ચાર સફેદ વસ્તુઓનો ઉપયોગ બને તેટલો આહરમાં નહિવત કરવાનો

આ ચાર વસ્તુ કૈ? મીઠુ, સાકર, મેંદો,માખણ .આટલુ કરશૉ,જરુર રોગ રહિત લાંબુ જીવી જશો.

હવે  H # ૨   પર વિચારીઍ ઉપર જણાવ્યું તેમ પહેલુ સુખ તંદુરસ્તી, શરીર સારુ હોય તેના જેવો બીજો કોઇ

મોટો આનંદ જીવનમાં નથી. આપણે ખુશ હોઇશું, તો બીજાને ખુશ જોઇ શકીશું, બીજાને ખુશ રાખી શકીશું

અને આપણી ખુશી સહુમાં વહેંચતા રહીશું .આમ એક વ્યક્તિનો આનંદ ઘણાને આનંદ બક્ષી શકશે.

આનાથી વધારે ઉત્તમ કાર્ય શું હોઇ શકે?

હવે  # ૩ Humanity એટલે માનવતા

નાત, જાત, ધર્મ, દેશ, પ્રાંત આદી ભેદ ભુલી બધાની સાથે પ્રેમ ભર્યો વ્યવહાર કરીએ  તો દુનિયાભરમાં

वसुधैव कुटुंबकम ’ની ભાવના ફેલાતા વાર નહી લાગે.પ્રાંત,પ્રાંત  દેશ, દેશ વચ્ચેની સીમાઓનો ઝગડાઓનો અંત

આવશે.

હવે # ૪ Honesty એટલે પ્રમાણિકતા પર વિચારીએ આપણે આપણા સગા સંબંધી સાથે સહ કર્મચારીઓ

 સાથે કે મિત્રો સાથે પ્રમાણિક વ્યવહાર કરીશું તો કોઇને એકબીજા સામે ફરિયાદ કરવાની

નહી રહે. આમ બધા પ્રમાણિક રહેશે તો તેની અસર રાજ્યમાં થશે, રાજ કારણમાં પણ પ્રમાણિકતા જરુર

ફેલાશે. એક રાજ્ય સારુ બનશે ધીરે ધીરે બધા રાજ્યો સારા બનશે , દેશ આખો સારો બનશે,

અને વિષ્વ ભરમાં પ્રમાણિકતા  ફેલાતી રહેશે,અને જ્યારે વિષ્વ આખુ માનવતા, પ્રમાણિકતાના પગલે ચાલશે ત્યારે

# ૫ Harmony  (સુમેળ)  સહુ કોઇ અનુભવશે,વિભુએ બક્ષેલ પંચ મહાભુત, આભ, વાયુ, અગ્નિ, આપ(પાણી), પૃથિવીને

જડ, ચેતન સર્વ સાથે માણી શકશે.

જન્મ સાથે જ  જીવ શોધે સહારો

નવજાત શિશુને માની ગોદ સહારો

બેસતા ઉઠતા ખાતાપિતા શોધે સહારો

બાળપણ વિતે લઇ રમકડાનો સહારો

કૌમાર અવસ્થા મિત્રો શિક્ષકોનો સહારો

જન્મ સાથે જ જીવ શોધે સહારો                                     ૧

 યુવાનીંમાં  પતિ પત્નીનો સહારો

સંસાર વધ્યો એકમેકનો સહારો

મિત્રો સંબંધીઓનો વધે સહારો

પૈસા પ્રતિષ્ઠા માનનો સહારો

જન્મ સાથે જ જીવ શોધે સહારો                                    ૨

જીવન સંધ્યાએ છુટ્યો સહારો

પતિ પત્ની એકમેકને જોઇ રહ્યા

હસ્તા ચાલ્યા બાહુ એકમેકના ઝાલ્યા

સપ્તરંગી સંધ્યાના રંગો નિહાળ્યા

જન્મ સાથે જ જીવ શોધે સહારો                                      ૩

મૌન અધરો ભેગા થયા

હસતા નયનો બોલી ઉઠ્યા

કદમ મિલાવી સાથ જીવીશું

લઇ સપ્તરંગી યાદોનો સહારો

જન્મ સાથે જ જીવ શોધે સહારો                                       ૪

ૐ ગુરુવે નમઃ નમો નમો  ..૨

ભવસાગરે ભટક્યો ભુલ્યો

સાચો માર્ગ ચીંધી દોર્યો

ૐ ગુરુવે નમઃ નમો નમો …૨

વ્યવહારે કરી ભુલો જ્યારે

  રાહ ચીંધી દોર્યો ત્યારે

ૐ ગુરુવે નમઃ નમો નમો…..૨

વ્યથિત મન દુઃખથી ભારે

તુજ શરણે સુખ શાંતિ પામે

ૐ ગુરુવે નમઃ નમો નમો…..૨

ફરિયાદ કરી જ્યારે જ્યારે

સુણે કાન દઇ તું ત્યારે

ૐ ગુરુવે નમઃ નમો નમો….૨

તુજ ઉપકાર શીરે ધરુ

ચીંધેલ માર્ગે કદમ ભરુ

મુક્ત બનુ પરમને પામુ

ૐ ગુરુવે નમઃ નમો નમો…..૨