Mon 31 Jan 2011
કુમતિની સંગી વાણી
Filed under: સ્વરચના — indirashah @ 7:28 am

 

બની કુમતિની સંગી વાણી

મંથરા  દાસીની જીભે ચડી

કાચા કાનની કૈકેયી ભરમાઈ

કુમતિ  દાસીનો સંગ કરી

બની કુમતિની સંગી વાણી                                       ૧

મંથરા કુબડી યુક્તિ ક્રરી

કરાવી યાદ બે વરની

વર્ષો પુરાણી વાત ઉખેડી

બની કુમતિની સંગી વાણી                                         ૨

પધાર્યા નૃપ માનિતીને મહેલે

માનીતિ રિસાઇ મુખ મરોડે

શૄંગાર ફેંકી ભુમી ગ્રસ્ત ક્રોધે 

બની કુમતિની સંગી વાણી                                             ૩

નૃપ યત્નો મનાવા કરે

માનિતી વચનો યાદ કરાવે

નૃપ યત્નો વ્યર્થ ઠરે

બની કુમતિની સંગી વાણી                                                  ૪

હઠાગ્રહી માનિતી ના સમજે

નૃપ રઘુકુલ રિતી અનુસરે

પુર્ણ વચને પ્રાણ ત્યાગે

બની કુમતિની સંગી વાણી                                                 ૫

વાણી  શું નું શું શકે કરી

બુધ્ધિમાન કૈકેયીના હ્રદયે વસી

વિપત્તિના વાદળો લાવી

અયોધ્યા નગરી ધ્રુસકે ચડી

મા સરસ્વતી દ્રવી ઉઠી

બની કુમતિની સંગી વાણી                                                          ૬

 

Comments Off on કુમતિની સંગી વાણી
Fri 21 Jan 2011
ઓજસ
Filed under: આધ્યાત્મિક ચિન્તન — indirashah @ 6:27 pm

શિયાળાની શુષ્ક સવાર  પડી

આદિત્ય નારાયણે  આળસ મરડી

સપ્તરંગી ઘોડાની સજી સવારી

ધુંધળા આભ અટપટા મહીં

માર્ગે વાદળો રૂપેરી મઢી

રસ્તો ધપાવી ઓજસે ભરી

રૂપેરી ઓજસથી ભરી ઓશરી

ઉલેચી અંધકાર દૂર ફગાવી

આદિત્યના શુદ્ધ રજત ઓજસ થકી

ઓરડા મનના પ્રફુલ્લિત પ્રકાશે ભરી

શિયાળાની શુષ્ક સવાર પડી

Comments (2)
Tue 18 Jan 2011
ૐ કાર
Filed under: આધ્યાત્મિક ચિન્તન — indirashah @ 8:19 pm
 
ૐ કાર ૐ કાર ૐ કાર
મન ધ્યાન ધર ૐ કાર
ૐ કાર મંત્ર આદિ
 
 
ૐ કાર પ્રણવ અનાદિ………….મન ધ્યાન ધર ૐ કાર
ૐ કાર શ્વાસ
ૐ કાર પ્રાણ
ૐ કાર જીવન
ૐ કાર વરદાન………….મન ધ્યાન ધર ૐ કાર

ૐ કાર અ  ઉ  મ

ૐ કાર તન મન બ્રહ્મ

ૐ કાર સ્થિતિ ત્રણ

જાગૃત સ્વપ્ન સુષુપ્ત…………..મન ધ્યાન ધર ૐ કાર

ૐ કાર દેવાધિદેવ

ૐ કાર શિવ મહાદેવ

ૐ કાર નિત્ય અનંત

ૐ કાર સત્ ચિત આનંદ…………મન ધ્યાન ધર ૐ કાર

ૐ કાર ધ્વનિ માર્ગમાં

ૐ કાર નાદ ગગનમાં

ૐ કાર ત્રણે ભુવનમાં

ૐ કાર બ્રહ્મનાદ જીવનમાં………..મન ધ્યાન ધર ૐ કાર

ૐ કાર અતિ પાવન

ૐ કાર મન ભાવન

ૐ કાર નિત્ય સુમિરન

ૐ કાર ધ્યાન પરમ…………..મન ધ્યાન ધર ૐ કાર

 

Comments (3)
Thu 6 Jan 2011
લાંબુ રોગ રહિત જીવન જીવવાની ચાવી
Filed under: વિચાર — indirashah @ 3:37 pm

 

 

 

 

 જો પાંચ H ૧)Health. 2) Happiness .3) Humanity 4) Honesty .5) Harmony. ને જીવનમાં યાદ રાખીશું સમજશું અને તે પ્રમાણે જીવન જીવીશું તો સુખ શાંતિ ભર્યુ લાંબુ આયુષ્ય ભોગવીશું

 હેલ્થથી શરુઆત કરીએ,કહેવાય છે ને ‘પહેલુ સુખ તે જાતે નર્યા.’એટલે સુખ માટે તંદુરસ્ત રહેવું જરુરી છે, તે માટે જીવનમાં નિયમિતતા

કેળવવી પડશૅ રોજ સવારે વહેલા ઉઠવાનું,રાતભર ત્રાંબાના પાત્રમાં રાખેલ પાણી જેટલુ પી શકાય તેટલુ પીવાનું.આ્મ કરવાથી કબજીયાત

નહી થાય. અને સાંધા પણ સારા રહેશે.ત્યારબાદ સૂર્ય નમસ્કાર (sun salutation) બે થી ચાર વખત કરવા ત્યાર બાદ નિત્ય ક્ર્મ પતાવી ચા નાસ્તો

કરી ૧ થી દોઢ માઇલ ચાલવુ.ધ્યાનમાં રહે  નિયમિતતા ખાસ જરુરી છે.બીજુ ખાસ ધ્યાનમાં રાખવાનું  છે.

જ્યારે આપણૅ ૫૦ની ઉંમરે પહોંચીએ ત્યારે ચાર સફેદ વસ્તુઓનો ઉપયોગ બને તેટલો આહરમાં નહિવત કરવાનો

આ ચાર વસ્તુ કૈ? મીઠુ, સાકર, મેંદો,માખણ .આટલુ કરશૉ,જરુર રોગ રહિત લાંબુ જીવી જશો.

હવે  H # ૨   પર વિચારીઍ ઉપર જણાવ્યું તેમ પહેલુ સુખ તંદુરસ્તી, શરીર સારુ હોય તેના જેવો બીજો કોઇ

મોટો આનંદ જીવનમાં નથી. આપણે ખુશ હોઇશું, તો બીજાને ખુશ જોઇ શકીશું, બીજાને ખુશ રાખી શકીશું

અને આપણી ખુશી સહુમાં વહેંચતા રહીશું .આમ એક વ્યક્તિનો આનંદ ઘણાને આનંદ બક્ષી શકશે.

આનાથી વધારે ઉત્તમ કાર્ય શું હોઇ શકે?

હવે  # ૩ Humanity એટલે માનવતા

નાત, જાત, ધર્મ, દેશ, પ્રાંત આદી ભેદ ભુલી બધાની સાથે પ્રેમ ભર્યો વ્યવહાર કરીએ  તો દુનિયાભરમાં

वसुधैव कुटुंबकम ‘ની ભાવના ફેલાતા વાર નહી લાગે.પ્રાંત,પ્રાંત  દેશ, દેશ વચ્ચેની સીમાઓનો ઝગડાઓનો અંત

આવશે.

હવે # ૪ Honesty એટલે પ્રમાણિકતા પર વિચારીએ આપણે આપણા સગા સંબંધી સાથે સહ કર્મચારીઓ

 સાથે કે મિત્રો સાથે પ્રમાણિક વ્યવહાર કરીશું તો કોઇને એકબીજા સામે ફરિયાદ કરવાની

નહી રહે. આમ બધા પ્રમાણિક રહેશે તો તેની અસર રાજ્યમાં થશે, રાજ કારણમાં પણ પ્રમાણિકતા જરુર

ફેલાશે. એક રાજ્ય સારુ બનશે ધીરે ધીરે બધા રાજ્યો સારા બનશે , દેશ આખો સારો બનશે,

અને વિષ્વ ભરમાં પ્રમાણિકતા  ફેલાતી રહેશે,અને જ્યારે વિષ્વ આખુ માનવતા, પ્રમાણિકતાના પગલે ચાલશે ત્યારે

# ૫ Harmony  (સુમેળ)  સહુ કોઇ અનુભવશે,વિભુએ બક્ષેલ પંચ મહાભુત, આભ, વાયુ, અગ્નિ, આપ(પાણી), પૃથિવીને

જડ, ચેતન સર્વ સાથે માણી શકશે.

 

 

 

 

Comments (3)
Tue 4 Jan 2011
સહારો
Filed under: સ્વરચના — indirashah @ 5:38 pm

જન્મ સાથે જ  જીવ શોધે સહારો

નવજાત શિશુને માની ગોદ સહારો

બેસતા ઉઠતા ખાતાપિતા શોધે સહારો

બાળપણ વિતે લઇ રમકડાનો સહારો

કૌમાર અવસ્થા મિત્રો શિક્ષકોનો સહારો

જન્મ સાથે જ જીવ શોધે સહારો                                     ૧

 યુવાનીમાં  પતિ -પત્નીનો સહારો

સંસાર વધ્યો એકમેકનો સહારો

મિત્રો સંબંધીઓનો વધે સહારો

પૈસા પ્રતિષ્ઠા માનનો સહારો

જન્મ સાથે જ જીવ શોધે સહારો                                    ૨

જીવન સંધ્યાએ છુટ્યો સહારો

પતિ- પત્ની એકમેકને જોઇ રહ્યા

હસ્તા ચાલ્યા બાહુ એકમેકના ઝાલ્યા

સપ્તરંગી સંધ્યાના રંગો નિહાળ્યા

જન્મ સાથે જ જીવ શોધે સહારો                                      ૩

મૌન અધરો ભેગા થયા

હસતા નયનો બોલી ઉઠ્યા

કદમ મિલાવી સાથ જીવીશું

લઇ સપ્તરંગી યાદોનો સહારો

જન્મ સાથે જ જીવ શોધે સહારો                                       ૪

 

 

 

 

Comments (2)
Sun 2 Jan 2011
ગુરુ ભજન
Filed under: સ્વરચના — indirashah @ 2:39 pm

ૐ ગુરુવે નમઃ નમો નમો  ..૨

ભવસાગરે ભટક્યો ભુલ્યો

સાચો માર્ગ ચીંધી દોર્યો

ૐ ગુરુવે નમઃ નમો નમો …૨

વ્યવહારે કરી ભુલો જ્યારે

  રાહ ચીંધી દોર્યો ત્યારે

ૐ ગુરુવે નમઃ નમો નમો…..૨

વ્યથિત મન દુઃખથી ભારે

તુજ શરણે સુખ શાંતિ પામે

ૐ ગુરુવે નમઃ નમો નમો…..૨

ફરિયાદ કરી જ્યારે જ્યારે

સુણે કાન દઇ તું ત્યારે

ૐ ગુરુવે નમઃ નમો નમો….૨

તુજ ઉપકાર શીરે ધરુ

ચીંધેલ માર્ગે કદમ ભરુ

મુક્ત બનુ પરમને પામુ

ૐ ગુરુવે નમઃ નમો નમો…..૨

 

Comments Off on ગુરુ ભજન
Sat 1 Jan 2011
નૂતન વર્ષે નિર્ધાર
Filed under: સ્વરચના — indirashah @ 12:01 pm

  

 

 

મધરાતે ન્યુયોર્ક સીટીમાં માનવ મેળો

ટાઇમ સ્કેવરના મેદાને ઉમટ્યો

જોવાને રંગબેરંગી પ્રિઝમ દડો

મદ મસ્તર મોહ માયા ભરેલો            ૧

 

 દડા ભણી દૃષ્ટિ સહુની ઉંચે

૧૨ના ડંકે દડો પડે નીચે

ઉપરથી દૃષ્ટિ વળી નીચે                    ૨

 

દડા અહંકારના ભારીને

નમાવી દૃષ્ટિ નમસ્કાર કરીને

પુષ્પ સમ પ્રફુલ્લિત હળવા મને              ૩

 

ધરી નવલ પ્રભાતની પ્રતિજ્ઞા

ફરી ન ઉઠાવું અહંકારના દડા

ભુલી વેર ઝેરની વ્યથા                         ૪

 

બ્રહ્માંડનો ભાર લઇ ના ફરુ

બસ પ્રેમના ઝરણા વહેતા કરુ

વિશ્વભરમાં પ્રેમની હેરાફેરી કરુ              ૫

Comments (1)
Sat 1 Jan 2011
મિત્રતા
Filed under: ટચુકડી વાત — indirashah @ 10:52 am

 

ક્રિસમસના બે દિવસ પહેલા પાડૉશના ચાર મિત્રો બેક યાર્ડમાં ભેગા મળી પોત પોતાના 

ક્રિસમસ વીશ લીસ્ટની ચર્ચા કરે છૅ.ઉંમર આસરે ૭ અને ૧૨ વચ્ચેની,

૭ વર્ષની નાની  સારા તેના પિતા અફઘાનિસ્તાનમાં છે.

અને માતા ૧૨ મહિનાથી જોબ વગર છે, અનએમ્પલોઇમેન્ટ

બેનીફીટ પર છે. બોલી ‘મે આ વખતે સાંતાને ખુબ મોટુ લીસ્ટ આપ્યું છે.

આ વર્ષે મારી મમ્મીએ મને એક પણ બાર્બી નથી અપાવી,મારી

પાસે એક પણ ડોરા નથી, મારી પાસે હેના મોન્ટાનાના સોંગ્સ

પણ નથી,મારી બધી ફ્રેન્ડસ પાસે આ બધુ છે.મારા ડેડી અફઘાનિસ્તાન છે

એટલે મારી મમ્મી ઍફોર્ડ નથી કરી શકતી,પણ મને મારી મમ્મીએ કીધુ છે

સાંતા મારી બધી ઈચ્છા પૂરી કરશે’. બાકીના ત્રણે મિત્રો એક સાથે

‘વાવ સારા અમે બધા સાંતાને પ્રે કરીશુ અમારી એક ગીફ્ટ ઑછી

કરી તને આપે,’ ડૉમિનીક અને ડૅવીડ બન્ને ભાઇઓ એ પોતાનુ

બુમબોક્ષ સારાને આપે તેવો વિનંતી પત્ર સાંતાને લખવાનુ નક્કી કર્યુ

તો ૮ વર્ષની માયા બોલી હું મારી ડોરા તને આપવા જણાવીશ.

આમ ત્રણે ભાઇ બહેને મળી સારાને ખુશ કરી દીધી. સારા અને માયા

ખુસખુસાલ સ્વીંગ પર જુલ્યા.ડૅવીડ અને ડોમિનીક બાસ્કેટ બોલ રમ્યા

ત્યાં મમ્મીનો અવાજ સંભળાયો કીડ્સ ડીનર ટાઇમ અને ત્રણે ભાઇ બહેન

મમ્મીનો અવાજ સાંભળી સારાને બાય બાય કરી અંદર ગયા.

ત્યાં સારાની મમ્મીનો પણ અવાજ સંભળાયો સારા ચાલો ડીનર

તૈયાર છે અને સારા પણ મિત્રોને બાય કરી તેના ઘર તરફ વળી,

ઘેર જમતા જમતા મમ્મીને કહે’ મમ્મી માયા, ડેવિડ, અને ડોમિનીક

ત્રણે જણ મારા બેસ્ટ ફ્રેન્ડસ છે.મમ્મી બોલી’ હા બેટા તેઓની મમ્મી

પણ મારી બેસ્ટ ફ્રેન્ડ છે’.

‘મમ્મી ખરેખર સાંતા મને બધી ગિફ્ટ આપશે?’

‘હા બેટા સાંતા કોઇ બાળકને નિરાશ ન કરે ,

અને જેના ડેડી અફઘાનિસ્તાન હોય,તેની માંગ તો

ખાસ યાદ રાખે’.તે બધા બાળકોના નામ સાંતાના

સ્પેશીયલ લીસ્ટમાં હોઇ.

તો મમ્મી મને બધુ મળશે’

હા બેટા જરુર તને બધુ મળશે’

આમ મમ્મી અને ફ્રેન્ડ્સ બન્ને તરફથી

બાંયેધરી મેળવી સારા નિદ્રાધીન થઇ.

અને સારાની મમ્મી મેરી ફ્લાયરના પાના ફેરવવામાં પડી

છેલ્લી ઘડી એ સેલ સારુ મળી જાય અને દિકરીની

બધી માંગ પૂરી કરી શકે.

             ડૅવિડ ડોમિનીક અને માયાએ જમતા જમતા મમ્મી ડેડીને

સારાના વિશ લીસ્ટની વાત કરી.ડેવિડ બોલ્યો ડેડી હું સાંતાને ટેક્ષ્ટ મેસેજ

મોકલુ? હવે સમય ખુબ ઓછો છે,’મમ્મી બોલી ગુડ આઇડીયા’,

અને ડેવિડૅ તુરત જ સાંતાને ટેક્ષ્ટ મોક્લ્યો

ડીયર સાંતા,

અમે બે ભાઇઓ અમારો બુમ બોક્ષ  અમારી ફ્રેન્ડ સારાને આપવા

માંગીએ છીઍ આ અમારી ખાસ નમ્ર વિનંતી આપ સ્વીકારશો

 આપને છેલ્લી ઘડીએ તકલીફ આપવા બદલ માફ કરશો.

અને મારી નાની બેન માયા તે ની ડોરા સારાને આપવા વિનંતી કરે

છે. સ્વીકારશો.

with Regards

Devid ,Dominik and maya

આમ ત્રણ જણાએ ખુશ થઇ સાંતાને ટૅક્ષ્ટ મોકલ્યો.

મમ્મી ડેડી જોઇ ખુશ થયા.

ત્રણૅ ભાઇ બેને ડીસર્ટમાં મમ્મીએ બેક કરેલ,

 કુકી અને દુધ સાથેબેસી માણ્યા.

મમ્મીએ ત્રણૅને ઉપર બ્રસ કરવા મોકલ્યા.

મમ્મી ડેડી કિચનમાં એકલા પડ્યા.

મમ્મી બોલી માઇકલ હું મેરીને ફોન કરુ છું.

ત્યાં સુધી તું ડૉરા અને બુમબોક્ષ પેક કરી લે’

માઇકલે બોક્ષ તૈયાર કર્યા લેબલ લગાવ્યા

ટુ સારા ફ્રોમ સાંતા.

કેથીએ મેરીને ફોન કરી જણાવ્યુ તુ ફ્રંટ ડોર પાસે

ઉભી રહે હું તારે ત્યાં હમણા જ આવું છું.મેરી તારે

કશુ બોલવાની જરુર નથી આપણે બન્ને એ મળી

આપણા બાળકોની ઇચ્છા પ્રમાણે વર્તવાનુ છે અને

આપણા બાળકોની સાંતા પ્રત્યે શ્રધ્ધા દૃઢ કરવાની છે’.

આમ મેરીને કંઇ પણ બોલવાનો ચાન્સ કેથીઍ ના આપ્યો

અને સમય બગાડ્યા વગર બેઉ બોક્ષ લઇ મેરીના ઘેર ઉપડી.

મેરી દરવાજા પાસે જ ઉભેલ તુરત જ દરવાજો ખોલ્યો,

ગળગળા અવાજે બોલી ‘કેથી આટલુ બધુ તારે ન કરવુ જોઇએ’

મેરી તારે કંઇ જ બોલવાનું નથી મેં તને ફોન પર કહ્યું તેમ

આ મેં નથી કર્યુ આપણા બાળકોએ નક્કી કર્યુ છે.અને માતા તરીકે

આપણે બન્નેઍ તેમના નિર્ણયને માન આપવુ જ જોઇએ.

મેરીએ બન્ને બોક્ષ લઇ પોતાની કારની ટ્રંકમાં મુક્યા.

બન્ને બેનપણીઓ ભેટી,અને ત્યારે જ ઉપરથી ખરતો તારો

દેખાયો. બન્ને એકસાથે બોલી”one Angel got the wings”.

મેરીને ખરેખર કેથી એન્જલ સ્વરૂપ લાગી.

બોલી ‘ થેક્સ કેથી યુ આર માય બેસ્ટ ફ્રેન્ડ’.

            ” Friend indeed

               when friend in need”

કહેવત કેથીએ સાર્થક કરી.

 

  

 

 

 

 

 

 

 ડૉરા અને બુમ બોક્ષ કારની ટ્રંકમાંથી લાવી

રેપ કરી  

 

 

 

    

 

 

Comments Off on મિત્રતા
48 queries. 0.219 seconds. Powered by Gujarati Sahitya Sarita
Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.