પ્રેમ શું છે? પ્રેમ નામની વસ્તુ છે? છે જ નહિ, ફક્ત જુઠાણુ છે, જો તે સત્ય હોય તો હરહંમેશ અવિરત વહેતો જ રહે,

આવો પ્રેમ તે જ સર્વોચ્ચ પ્રેમ જે ઉદભવે છે હ્ર્દયના ઊંડાણથી કદી તેમા ભરતી ઓટ આવતા નથી.

બાકી દુન્વયી પ્રેમ તો સ્વાર્થી ચંચળ મનમાંથી ઊદભવેલ ,ઇન્દ્રિયોના સંતોષ ખાતર જન્મેલ,આ પ્રેમ ક્ષણિક પ્રેમ છે.

શાષ્વત સર્વોચ્ચ પ્રેમ તો ફક્ત ગોપી પ્રેમ, જેનો પ્રવાહ મીરા નરસી પ્રહલાદ જેવા ભક્તોએ સતત વ્હેંચ્યો,

આ પ્રેમ હરહંમેશ આનંદ આપનાર આ પ્રેમ તે જ ભગવાન.

 LOVE IS GOD

અને છેલ્લે નાનુ હાયકુ કે કાવ્ય?કલમે આવ્યુ છે,તો લખુ છુ

દિવ્ય પ્રેમથી મળે પ્રસાદ

પ્રસાદ પરમ આનંદનો

ઇન્દ્રિય પ્રેમથી મળે વાસના

વાસનાની પકડથી ભીંસાઇ

અને સ્વાર્થી પ્રેમની પકડમાં પછડાય

પામે ખેદ અને વિસાદ.

કૃપા કોની

હું આવી આ જગતમાં

 કોઇ કર્માનુ જોગ

કોઇ કર્મફ્ળો ને પામવા

તો કોઇ કર્મના દેવા ચૂકવવા

કૃપા કોની

હું મોટી થઇ

માતા પિતા વડીલોની હુંફમાં

ભાઇ બેનોના પ્યારમાં

કૃપા કોની

ભણી ગણી સંસ્કાર પામી

સ્નેહ ગ્રંથીએ જોડાઇ

સંસાર સાગરે નાવ ઝુકાવી

કૃપા કોની

આ સંસારના તાણાવાણામાં

ડગમગતી નાવ સ્થીર કરવામા

સુંદર બે બાળઓના સર્વ વિકાસમાં

પૌત્રો પોત્રીઓ પામવામાં

કૃપા તારી

પરમકૃપાળુ પ્ર્ભુ

હર ઘડી હરસમય વરસતી રહી

મુજ  થકી જગ થકી

 કૃપા તારી અગણીત

સાધનાના પથપર ચાલતા

પડી આખડી

ઉઠાવી તે ગળે લગાવી

બનાવી ભયહીન

ડરુ ન કદી દુન્વયી ભયોથી

વીભુ આજ

ત્યાગી સર્વ કપટ દંભ

સમર્પિત કરુ નત મસ્તકે

સર્વસ્વ

તુ ઘ્ણી નટખટ

તુ નચાવે નરનારી જગત

ઉલ્ટાનુ તુ કરે સુલ્ટુ

સુલ્ટાનુ તુ કરે ઉલ્ટુ

તારી શક્તિથી સહુ અજાણ

તેથી જ રચે તારી માયા જાળ

ને ફસાય પોતે પોતાની જાળમાં

કહી પણ કોને શ્કે

પોતે કરેલ પોતે ભોગવે

છુટકારોનો કોઇ નથી ઉપાય.

અને તેથી જ કહુ છુ

માયાના મોહમાં માનવ

માયા જાળમાં મોહિત માનવ

મદમસ્ત મહાલતો માનવ

માયા મોહિનીના માનમાં.

કદી ન પૂછી શકી મારી જાતને

હુ કોણ ક્યાંથી આવી ક્યાં જઈશ

જ્યારે ક્યારેક મળશે પ્રયત્ને

જરુરથી ઇષ્વર મિલન પ્રાપ્ત કરીશ.

આવીશ આવકારવા આંગણૅ

આવશે અમી અવધિ

અંતરે આશા અધિક

અસ્તિત્તવની અંશથી અગણિત.

ઉમળકો ઉભરાશે ઊંબરે

ઉત્સવ ઉમટશે ઊંચે

ઉર્મિના ઉલ્લાસ ઉભરાશે

ઉલ્કા ઉમેશના ઉભય ઉરે.

ઘડી ભર સુખ, ઘડી ભર દુઃખ ,

આવે ને જાય

હતુ શું? અને ગયુ શું?

બંધ મુઠ્ઠીઍ આવી

ખુલ્લે હાથ ચાલી જઈશ

સતની શોધ પાછળ

ભવો ભવ ફરતી રહીશ

ભીતરથી નીકળતો અ ઉ મ નાદ,

ધર્મના ફળરૂપ ભગવત પ્રેમ

પ્રેમમાં મગ્ન એવા જીવનુ

શીવ મિલનનુ આહ્વાન

સેવા! સેવા કોની કરુ?

નિવૃત મન મથે સેવા શોધવા

અરે મુર્ખ મન કર તેને અન્તર્ગત

શરુ કર સેવા સ્થૂલ શરીરેથી

જ્યારે કરે આળશ ચાલવાની

માન્ડ ચાલવા થશે સ્રેવા શરીર સ્વાસ્થય તણી ૧

જ્યારે મન થાય ઊંચુ મહેલ જોઇ

ભલે થાય !

ભલે જૌઉ સ્વપ્નો ઊંચા મહેલ તણા

સાક્ષી ભાવથી

થઇ જશે સેવા સુક્ષ્મ મન તણી          ૨

જ્યારે આવે વિચાર વેપારે

છેતરપિન્ડી તણા

છોડુ તેને કરુ વિચાર

ઇશ્વર કૃપા તણા

થૈ જશે સેવા બુધ્ધિ તણી                ૩

આટલુ કરીશ

વિશ્વમાં ફરીશ

થૈ જશે સેવા સારા  વિશ્વ તણી!                 ૪

સુરને નથી જાણતી

રાગને નથી માણતી

બસ ભાવ જાણવા ચાહુ.  ૧

ક્રિષ્ણને નથી જાણવા

રામને નથી જાણવા

બસ ખુદને જાણવા ચાહુ     ૨

કર્મનો મર્મ નથી જાણવો

ભક્તિ કે મુક્તિની નથી ચાહના

બસ ખુદને જાણવા ચાહુ       ૩

સુખ શુ! દુ;ખ શુ! નથી જાણવા

ધન દોલત વૈભવ નથી માણવા

બસ સત્ય ને સમજવા ચાહુ    ૪

આ નવલ વર્ષની પ્ર્ભાતે

બાહ્ય ચક્ષુ બંધ કરી

ઉંડા અંધકારમાથી

અંતરનુ ઓજશ માણવા ચાહુ    ૫